Maškarani običaji u stihu

U Osnovnoj školi Zvonka Cara u Crikvenici učenici održavaju tradiciju običaja vezanih za maškare našega kraja. Nakon Sveta tri kralja, započinju tradicionalne maškarane zabave u našem gradu. U našoj školi učenici čakavskih skupina izrađuju mesopusta, lutka koji je kriv za sve nedaće koje su se dogodile u protekloj godini.

Ove je godine mesopustu ime Dešpetljivac, koji za vrijeme maškaranih dana sjedi na pozornici naše škole. Sve ono za što je Dešpetljivac kriv nalazi se u šentenci koju su u stihovima na šaljiv način napisali učenici čakavskih skupina PŠ Selce i matične škole sa svojim učiteljicama Lukrecijom Stilin i Marijanom Barac Tomić. Na naslovnici šentence učenički je likovni rad maske, a sudac u rimi na šaljiv način osuđuje Dešpetljivca, dok ga abukat brani.

Za kraj maškara, na Čistu srijedu, u dvorištu naše škole učenici čakavske skupine čitaju šentencu, a ostali pod maskama slušaju za što je sve mesopust kriv. Kad je osuda pročitana, mesopust se zapali u dvorištu škole te ga učenici pjesmom, bubnjevima i harmonikom ispraćaju dok ne izgori. Nakon zapaljenog mesopusta, prestaje pjesma i učenici se u miru vraćaju u školske prostorije.

Šentenca mesopusta Dešpetljivca

ABUKAT:

Maškaroni mali i veli

Prišli su nan dani veseli

Mesopusni tanci vesele nas

Kraj maškaron pride začas.

Dešpetljivac nas gleda va strahu

Osudit ga moramo va mahu

Se nevoje ke je pripravil

Osudun svojun je platil.

Kune i lipe nan je makal

Euri i centi on se takal

Dešpeti je sake udelal

Ma za to ni baš abadal.

Teplu zimu nan je prnesal

Malo sniga nan otresal.

Na Sajmu bogat program je bil

S tin se Dešpetljivac sin pohvalil.

Prvašići nan znani mili

Veli razred nan napunili

Četvrtaši ovo leto novo pišu

Po nacionalnin ispiti s osmaši rišu.

Va šahu smo već znani

Prvaci doma i po vani

Pedagoginja nas navadila o šahu

Rešimo š njin problematiku saku.

Ni ribolov nan ni strani bil,

Ples, natjecanja sa sin bi se pohvalil

Škola od nauke prave mi smo

I va gradu dičjeg gradonačelnika imamo.

I talent smo pokazali vredni mi

Poznati su nastupi na pozornicami

Redovito učit moramo saki

Va znanju ćemo bit mi jaki.

Selčani te ga osudit

Njimi rič ću prepustit

Suče dragi mili

Mesopustu sad se cvili.

SUDAC:

Zibrali smo gradsko vijeće

Eto nama malo sreće.

Predstavnika mi dobili

Zahtjevima ga gušili.

Igralište mi nimamo

Sako leto ga išćemo

Lopte su nan stalno šupe

Krpamo mi njima rupe.

Odbojku si jako vole

Ma igramo mi bez mriže

Meštrice se jako trude

Da od mriže nešto bude.

Košarkaški mi smo asi

Kuda gremo-se se praši.

Va Rovinju završili

Lekciju smo naučili.

Nove obul tenisice

Izazval je zazubice

Dva se našla, njih su skrila

Vela gužva se stvorila.

Roditelji pozabili

Takovi su negda bili.

Barufa se valje digla

Ma je pravda brzo stigla.

Marendicu si sad jimo

Škola nan miriše fino

Saki đak treba da j sit

To j ovog projekta bit.

Si se skupa mi držimo

I lipo se mi igramo

Ma vavik je razred jedan

Kima kućni red ni vredan.

Galamdžije to su prave

Mudrijaši, svađalice

Za pravdu se stalno bore

Ma meštricu svoju vole.

E dnevnik je prava fora

Va školu se doć ne mora

Mat nan more se opravdat

Ne mora va školu javljat.

Konačno smo saki za se

Ni konbinacije, zna se

Veseli smo mi ko tići

Razredi su jako mići.

Šest i osan, devet, deset

Broj je đacih tri i trejset

Čeka selce vrime ludo

Morda se dogodi čudo.

Za maškare se spravljamo

Odobrenje mi pitamo

Plešu šahovske figure

Ne bojimo se mi bure.

Maškaroni moji to je kraj,

Bubanj i muzika složno udaraj!!!